Kiyevdə Bakı-2015 I Avropa Oyunları ilə bağlı avtoyürüş keçirilib

Kiyevdə Bakı-2015 I Avropa Oyunları ilə bağlı avtoyürüş keçirilib

Ukrayna Azərbaycanlıları Birləşmiş Diasporu (UABD) Bakı-2015 I Avropa Oyunlarının açılışı ərəfəsində Kiyevdə beynəlxalq idman yarışına həsr olunmuş avtoyürüş təşkil edib.

Diasporla İş üzrə Dövlət Komitəsindən APA-ya verilən məlumata görə, üzərində Bakı 2105 Avropa Oyunlarının rəmzi əks olunan, Azərbaycan və Ukrayna bayraqları asılmış avtomobil karvanı Kiyevin bütün mərkəzi küçələri ilə hərəkət edib.

Bundan başqa, UABD Bakı 2015 I Avropa Oyunlarının təbliğat kampaniyası çərçivəsində təşkilatın təşəbbüsü və dəstəyi ilə "Bakı, gözlə bizi" adlı videoçarx hazırlanaraq sosial şəbəkələrdə yayılıb. Videoçarxda Ukraynanın qadın güləşçiləri Azərbaycan şairi Səməd Vurğunun "Azərbaycan" şeirini doğma dilimizdə səsləndiriblər.

"Bakı 2015" I Avropa Oyunlarının təbliği məqsədilə Kiyevin mərkəzi küçələrində təxminən 2000 ədəd broşür paylanılıb. Təşkilatın gənc fəalları şəhərin Müstəqillik meydanında insanları Avropa Oyunları barədə məlumatlandırıblar. Bundan əlavə, "Maydan"da Bakı 2015-ə həsr edilmiş plakatlar asılıb, Azərbaycan və Ukrayna bayraqları dalğalandırılıb.

UABD-nin sədri Hikmət Cavadov Avropa Oyunları ilə əlaqədar Ukrayna gənclər və idman nazirinin müavini Nikolay Movçan, Ukrayna Milli Olimpiya Komitəsinin vitse-prezidenti Valeri Borzov, Birinci Avropa Oyunlarında Ukrayna missiyasının rəhbəri Anna Skorina ilə görüşlər keçirib. Görüşlərdə ukraynalı idmançıların Bakıya səfəri və Avropa Oyunlarına hazırlıq məsələləri müzakirə edilib. UABD ukraynalı idmançılara dəstək məqsədilə fan-klub yaradıb, azarkeşlər 1000 ədəd Ukrayna bayrağı ilə təmin olunub.

Mediainfo.az

Çox oxunan xəbərlər
Son xəbərlər

2026.05.03

2026.05.02

2026.05.01

2026.04.30

2026.04.29

2026.04.28

2026.04.27

2026.04.26

2026.04.25

Saytda yerləşdirilmiş materiallardan istifadə edərkən istinad mənbəyinin göstərilməsi zəruridir.
Ünvan: Bakı səh., Yasamal r-nu 529-cu məhəllə, AZ 1073 VÖEN 1000204751
Tel.: 012 510 59 89; 012 510 59 99; 077 767 06 66
E-mail: [email protected]
2009-2026 © Azerbaycanpolisi.az