Azərbaycan Teatr Xadimləri İttifaqı bəyanat yaydı

Azərbaycan Teatr Xadimləri İttifaqı bəyanat yaydı

Mediainfo.az xəbər verir ki, Azərbaycan Teatr Xadimləri İttifaqı Füzuli rayonu, Alxanlı kəndində baş verən məlum hadisə ilə bağlı bəyanat yayıb.

Bəyanatda bildirilir:

Azərbaycan Teatr Xadimləri İttifaqı və ölkənin teatr ictimaiyyəti işğalçı Ermənistanın silahlı qüvvələri tərəfindən Azərbaycanın Füzuli rayonun Alxanlı kəndində yaşayan mülki əhalinin atəşə tutulması və insanların həlak olmasına öz mənfi münasibətini bildirərək dünya ictimaiyyətinə bəyanat qəbul etmişdir.

Azərbaycan torpaqlarına yiyələnmək məqsədi güdən işğalçı Ermənistan davamlı olaraq uşaq, qadın və ahılları hədəf seçməklə onların həyatını təhlükə altına alır. 4 iyul 2017-ci il tarixdə dünya ictimaiyyəti erməni vəhşiliyinin bir daha şahidi oldu. Heç bir hərbi məntəqənin olmadığı Füzuli rayonu, Alxanlı kəndinin iriçaplı silahlardan atəşə tutulması Ermənistanın iyrənc siyasətinin növbəti bariz nümunəsidir. Alxanlı kəndinə Ermənistan silahlı qüvvələri tərəfindən atılan mərmi nəticəsisində kənd sakini 50 yaşlı Allahverdiyeva Sahibə və onun 18 aylıq nəvəsi Quliyeva Zəhra düşmən gülləsinə tuş gələrək həlak olub, eyni zamanda 52 yaşlı Quliyeva Səlminaz ağır şəkildə yaralanıb: Ailənin yeganə övladı, 2 yaşı tamam olmayan Zəhra Elnur qızı Quliyevanın faciəli şəkildə həlak olması təkcə Azərbaycanda deyil, bütün dünyada geniş əks-səda doğurub.

Azərbaycan Teatr Xadimləri İttifaqı və ölkənin teatr ictimaiyyəti dünyanın bütün mötəbər qurumlarına, siyasət və mədəniyyət xadimlərinə müraciət edərək terrorçu Ermənistanın bu iyrənc əməlini pisləməyə çağırır.

İnanırıq ki, Birləşmiş Millətlər Təşkilatı, Avropa Şurası və digər mötəbər təşkilatlar Ermənistanın bu vəhşiliyinə öz münasibətini bildirəcək, mülki əhalinin həyatı üçün təhlükə yaradan, soydaşlarımızı qətlə yetirən terrorçu Ermənistanın insan hüquqlarını pozduğu, çox sayda Azərbaycan vətəndaşlarının həyatına son qoyduğu bu vəhşiliyinə qarşı sərt tədbirlər həyata keçiriləcək.

Mediainfo.az

Çox oxunan xəbərlər
Son xəbərlər

2026.05.02

2026.05.01

2026.04.30

2026.04.29

2026.04.28

2026.04.27

2026.04.26

2026.04.25

Saytda yerləşdirilmiş materiallardan istifadə edərkən istinad mənbəyinin göstərilməsi zəruridir.
Ünvan: Bakı səh., Yasamal r-nu 529-cu məhəllə, AZ 1073 VÖEN 1000204751
Tel.: 012 510 59 89; 012 510 59 99; 077 767 06 66
E-mail: [email protected]
2009-2026 © Azerbaycanpolisi.az