Mərdəkanda dənizdə boğulan dörd nəfərdən sonuncusunun cəsədi tapılıb
İmişlidə bir neçə ticarət obyekti yanır
Polşa sakini azərbaycanlını nifrət zəminində döyüb
Elçi göndərdiyi qızın atası 35 yaşlı kişini döyüb öldürdü
Gürcüstanda 21 yaşlı azərbaycanlı faciəvi şəkildə ölüb
Moskvadakı Ticarət Mərkəzinə dron hücumunda azərbaycanlılar yaralanıb
Maştağada 62 yaşlı kişini cərəyan vurub öldürdü
Azərbaycanlı qadın qayınatasını döyərək öldürüb?
25 oktyabr tarixində Nizami Kino Mərkəzində təqdimatı keçirilən "Mənim tanıdığım Vaqif" filmi ilk dəfə internetdə yayımlanıb. Rejissorlar Əli Xakidani (Əli İsa Cabbarov) və İrakli Apakidzenin birgə ərsəyə gətirdiyi bu 40 dəqiqəlik film HD keyfiyyətdə çəkilib.
Xatırladaq ki, film tanınmış cazmen Vaqif Mustafazadəyə həsr olunub. Filmin çəkilişləri Estoniya, Rusiya, Gürcüstan, Polşa və ABŞ-da çəkilib. Çünki film Vaqif Mustafazadənin müasirləri olan, onun sənət irsinə, şəxsiyyətinə sevgi və rəğbət bəsləyən Rusiya, Gürcüstan, Estoniya, Polşa və Amerika caz ustalarının xatirələri üzərində qurulub.
Vaqif Əziz oğlu Mustafazadə 1940-cı il martın 16-da İçərişəhərdə doğulub. Asəf Zeynallı adına Bakı Musiqi məktəbində, Bakı Musiqi Akademiyasında təhsil alıb. İlk vaxtlar klassik caz, bluz və oynaq mahnılar ifa edib. 1964-cü ildən "Orero" ansamblına, "Qafqaz" caz üçlüyünə, "Leyli" və "Sevil" qadın vokal instrumental və "Muğam" instrumental ansambllarına rəhbərlik edib. Beynəlxalq caz müsabiqələri və festivallarının ("Tallin-66", "Tbilisi-78", Monte-Karlo) laureatı olub. Vaqif Mustafazadə fortepiano və simfonik orkestr üçün konsertin, "Muğam" simfoniyasının (tamamlanmamış), bir sıra caz kompozisiyalarının və pyeslərin müəllifidir. Vaqif Mustafazadə Azərbaycan caz musiqisinin banisi və yeni caz fikrinin yaradıcısı sayılır. O, Azərbaycan musiqisinin, muğamın klassik Amerikan caz musiqisi ilə sintezini (Caz-Muğam) yaradıb. Vaqif Mustafazadə 1979-cu il dekabrın 16-da Daşkənddə qastrol zamanı ürək tutmasından vəfat edib.
Hazırladı: Könül Aypara
