İlqar Əliyev həbsdə vəfat etdi
Həyət evində yaşayanların nəzərinə! - 1000 manatadək cərimə...
Bakıda xəstəxanada bir yaşlı körpə ölüb
Bakıda sürücü yeniyetməni vurub öldürüb
Bakıda 100.000 manat dəyərində qızıl əşyalar oğurlanıb
Məşhur uşaq qidasında siçan zəhəri aşkarlandı
Tbilisidə azərbaycanlı qızın meyiti tapıldı
196 ölkədə axtarışda olan "Qızıl adam" - İnqilab Babayev saxlanıldı
Avstraliya yeni ildən birdəfəlik elektron siqaretlərin ölkəyə girişini qadağan edəcək. İdxal qadağası ilə yanaşı, birdəfəlik siqaretlərin istehsalı və reklamı üçün də yeni qaydalar tətbiq olunacaq. Ölkədə elektron siqaretlərin istirahət məqsədləri üçün istifadəsinə tamamilə son qoyulması hədəflənir.
Elektron siqaretlər adi siqareti tərgitməyin bir yolu kimi satışa çıxarılsa da, lakin Avstraliyanın Səhiyyə Naziri Mark Butler onların "nikotinə aludə olan yeni nəsil" yaratdığını söyləyib.
Elektron siqaretlər litium batareyaları ilə işləyir. Tərkibində nikotin, süni dad və bəzi digər kimyəvi maddələr olan maye kartriclərdən istifadə olunur.
2021-ci ildən ölkədə tərkibində nikotin olan elektron siqaretlər yalnız reseptlə alına bilir. Lakin bu məhdudiyyətlərə baxmayaraq, asılılığın səviyyəsinin xeyli artdığı bildirilir.
Sidney Universitetinin bu ilin əvvəlində apardığı araşdırmaya görə, 14-17 yaşlı gənclərin dörddə birindən çoxu elektron siqaretdən istifadə edir.
Avstraliya Xərçəng Şurasının xeyriyyə fondunun araşdırmasına görə, eyni yaş qrupunda olan hər 10 gəncdən 9-u nikotin ehtiva edən elektron siqaretləri əldə etməyin asan olduğunu söyləyir.
Nazir Butler elektron siqaret idxalına qadağanın yanvarın 1-dən başlayacağını, doldurula bilən - müalicəvi olmayan elektron siqaretlərin isə mart ayından sonra ölkəyə girişinin qadağan ediləcəyini açıqlayıb.
Şirinləşdirici maddələr, nikotin tərkibi və qablaşdırma ilə bağlı müalicəvi elektron siqaretlərin idxalçıları və istehsalçıları üçün də yeni məhdudiyyətlər tətbiq ediləcək.
Mütəxəssislər xəbərdarlıq edir ki, elektron siqaretlərin uzunmüddətli təsirləri hələ tam olaraq bilinmir.
ABŞ-ın Con Hopkins Universitetinin araşdırmasına görə, elektron siqaretlər ilə xroniki ağciyər xəstəlikləri və astma arasında əlaqə var.
Avstraliyalı alimlər də bu siqaretlərdə istifadə edilən mayelərin tərkibindəki kimyəvi maddələrin ağciyər sağlamlığına təsir etdiyi barədə xəbərdarlıq edirlər.
Azərbaycanpolisi.az
.jpg "Məhkəmədə diz çöküb yalvardı... - Hakim qanuni qərarla sevindirdi")
