İlqar Əliyev həbsdə vəfat etdi
Həyət evində yaşayanların nəzərinə! - 1000 manatadək cərimə...
Bakıda xəstəxanada bir yaşlı körpə ölüb
Bakıda sürücü yeniyetməni vurub öldürüb
Bakıda 100.000 manat dəyərində qızıl əşyalar oğurlanıb
Məşhur uşaq qidasında siçan zəhəri aşkarlandı
Tbilisidə azərbaycanlı qızın meyiti tapıldı
196 ölkədə axtarışda olan "Qızıl adam" - İnqilab Babayev saxlanıldı
Ukrayna Ordusu Xarkov vilayəti istiqamətində uğurlu əks-hücum əməliyyatı həyata keçirir.
Mediainfo.az xəbər verir ki, Ukrayna mətbuatında və sosial şəbəkələrdə ordunun İzyum şəhərinin şimal-qərb istiqamətində cəbhə xəttini yararaq, irəlilədiyinə dair məlumatlar yayılıb. Ukrayna rəsmiləri bu xəbərləri dolayısı ilə təsdiqləsə də, hələ ki, azad olunan yaşayış məntəqələrinin adlarını çəkməyib. Ancaq söhbətin Balakleya şəhəri və ətraf yaşayış məntəqələrindən getdiyi bildirilir. Bunu dünən gecə qatıldığı canlı efirdə Ukrayna Prezident Ofisinin müşaviri Aleksey Arestoviç də təsdiqləyib. Lakin qeyd edib ki, bu barədə ətraflı məlumat vermək səlahiyyəti yoxdur.
Bu məlumatları Donbasdakı separatçıların liderlərindən olmuş məşhur terrorçu İqor Strelkov (Qirkin) da öz mənbələrinə istinadla təsdiqləyib: “Dünən axşama olan məlumata görə, düşmən Voloxov Yar və Verbovka yaşayış məntəqələrini ələ keçirərək, Balakleya qornizonunu operativ mühasirəyə alıb”.
Qirkin öz “telegram” kanalında yazıb ki, sözügedən istiqamətdə birinci müdafiə xəttində duran “ldnr” döyüşçüləri və ikinci xətdəki “Rosqvardiya” üzvləri geri çəkiliblər.
Onun dediyinə görə, “Rosqvardiya” döyüşçüləri malik olduqları silahlarla davrana bilmədikləri üçün məğlub olublar. Hətta iki “Rosqvardiya” bölməsi həmin ərazidə hazırda mühasirədədir.
O, həmçinin Rusiya aviasiyasının “qorxaq davrandığını” bildirib və cəbhəyə lazımi dəstək vermədiyini qeyd edib. Nəhayət, Qirkin Ukrayna Ordusunun yeni taktikadan istifadə etdiyini də bildirib. Belə ki, Ukrayna tankları və zirehli maşınları düşmənin müdafiə xəttinə doğru böyük sürətlə irəliləyərək, ağır texnikanı birbaşa müdafə mövqelərinin üzərinə çıxarıblar. Bu səbəbdən Rusiya artilleriyası onları durdurmaqda çətinlik çəkib.
Qirkin həmçinin əlavə edib ki, Ukrayna Ordusunun məqsədi İzyum şəhəri istiqamətində hərəkət edərək, böyük strateji əhəmiyyətə malik olan bu şəhəri ələ keçirməkdir. Əgər bu alınsa, rus ordusunun logistikasına və silah-sursat təminatına böyük zərbə vurulacaq. Çünki bölgədəki əsas magistral yollar məhz İzyumda kəsişir. Ümumiyyətlə, hazırda Xarkov istiqamətində baş verənlər belə təəsürat yaradır ki, Ukrayna Ordusu cənubda – Xerson vilayətində hücuma hazırlaşdığını bəyan etsə də əsas zərbəni gözlənilmədən Xarkovda endirməyə başlayıb. Yaxud da bu, eyni zamanda iki istiqamətdə hücum edərək, qarşı tərəfi çətin duruma salmaq planının tərkib hissəsidir.
“AzPolitika.info”
.jpg "Məhkəmədə diz çöküb yalvardı... - Hakim qanuni qərarla sevindirdi")
