Qabil Məmmədov, Məhəmməd Mirzəli və digərləri barəsində həbs qərarı verildi
Ukraynada gedən döyüşlərdə daha bir azərbaycanlı həlak olub
Azərbaycanda ata ehtiyatsızlıqdan 2 yaşlı qızını vuraraq öldürüb
Bakıda IV kurs tələbəsi faciəli şəkildə ölüb
Azərbaycanda ağır yol qəzası: Bir ailənin beş üzvü xəsarət aldı
Sarkozi ev dustaqlığından azad edildi
Gürcüstanda itkin düşən azərbaycanlı qızın meyiti tapılıb
Meksikada “TikTok” ulduzu canlı yayımda öldürüldü
Bakı sakinləri ən çox nəyə pul xərcləyirlər? - Video
29 May 08:20
Almaniya, Danimarka və İrandan olan bir qrup alim neandertallar və “Homo sapiens” arasında çarpazlaşmanın baş verdiyi bölgəni müəyyən edib. Bunun üçün tədqiqatçılar müasir modelləşdirmə metodlarından və coğrafi məlumatlardan istifadə ediblər. Bu barədə “Phys.org” portalı “Scientific Reports”da dərc olunan araşdırmanın nəticələrinə istinadən xəbər verir.
Müasir insanlardın neandertallara aid DNT-yə malik olması faktı 2010-cu ildə isveçli bioloq Svante Paabonun neandertal genomunun dekodlanması sayəsində məlum olub ki, bu da qədim insanların çarpazlaşması faktını təsdiqləyir. Lakin bu hadisənin dəqiq yeri məlum deyildi. Yeni araşdırma axtarışı bir bölgəyə qədər daraltdı.
Məlumatların təhlili əsasında tədqiqatçılar belə nəticəyə gəliblər ki, İran, Şimali İraq və Türkiyənin cənub-şərqindəki Zaqros dağları (İran Yaylası) iki növün görüşmə yeri ola bilər. Bu bölgədə həm “Neandertal”ların, həm də “Homo sapiens”lərin qalıqları tapılıb və bu fərziyyəni təsdiqləyir.
Bu bölgədə əlverişli yaşayış şəraiti də mühüm rol oynayıb. Tədqiqatçılar hesab edirlər ki, isti hava və zəngin biomüxtəliflik onu yaşayış üçün əlverişli edib. “Homo sapiens”in Afrikadan miqrasiya zamanı bu bölgədən keçə biləcəyi də irəli sürülür.
Əvvəllər Nankindəki Cənub-Şərq Universiteti və Prinston Universitetindən bir qrup alim neandertalların təxminən 40 min il əvvəl yoxa çıxmasının mümkün səbəbinin onların daha böyük “Homo sapiens” populyasiyaları tərəfindən tədricən mənimsənilməsi(udulması) olduğunu təsbit etmişdilər. Artıq təxminən 200 min il əvvəl neandertal DNT-sindəki “Homo sapiens” genlərinin miqdarı 10%-ə çatırdı. Nəticədə, çarpazlaşma səbəbindən neandertal genofondu "yuyulub dağıdıldı" və sözün əsl mənasında uduldu, bu da onun yox olmasına səbəb oldu.
Bundan əvvəl Filadelfiyadakı Pensilvaniya Universitetinin biomühəndisləri süni intellektdən “Neandertal” və “Denisov”lıların molekullarını “həyata qaytarmaq” üçün istifadə ediblər. Alimlər müasir infeksiyaların müalicəsi üçün bu addımı atmağa qərar veriblər. Onlar hesab edirlər ki, getdikcə daha çox bakteriya antibiotiklərə qarşı davamlı olur və yeni antibiotiklərin inkişafı yavaşlayır.
Almaz Həsənli
.jpg)
