Bakıda 100.000 manat dəyərində qızıl əşyalar oğurlanıb
Məşhur uşaq qidasında siçan zəhəri aşkarlandı
Tbilisidə azərbaycanlı qızın meyiti tapıldı
196 ölkədə axtarışda olan "Qızıl adam" - İnqilab Babayev saxlanıldı
Dələduzluqda ittiham olunan məktəb direktoru Türkiyədən Azərbaycana ekstradisiya edilib
Kosmetoloq Ülviyyə İlyasovaya amnistiya aktı şamil edilib
60 yaşlı kişi pilləkəndən yıxılıb öldü
Bakıda polis SMM fırıldaqçısını saxlayıb
Azərbaycanı görmədən sevən özbək şair 28 yaşında öldü
17 Aprel 12:00
Aybəniz Allahverdiyeva
Sevgi qürurum
Bu payız ömrümə qonaq ğəlmisən,
Sevğimlə könlünü ovutmaq üçün.
Ötən keçmişimdən soraqdır səsin,
Dərdimi, sərimi unutmaq üçün.
Qayğısız körpətək fərəhlənirsən,
Oyuncaq vüsalım ovudur səni.
Payızda köç edən durnalar kimi,
Ayrılıq qoxusu qorxudur səni.
İsti yuva olub qəlbim səninçün,
Səni bu yuvandan necə uçurum?
Sənə, ğet deməyə yetməyir gücüm,
Səni yad əllərə vermir qürurum.
Salamat qalın
Ari beçə verdi, balın görmədim,
Nar çiçəyin gördüm, narın görmədim.
Gül-çiçək becərdim, barın görmədim,
Bağlara deyim ki, salamat qalın.
Yoxuşu qalxanda titrəyir dizim,
Qurtarıb taqətim, qalmayıb dözüm.
İçib çeşməsindən, doymayıb gözüm,
Dağlara deyim ki, salamat qalın.
Dostların içində çoxdur doğmalar,
Bəzən yaxın olur, doğmadan yadlar.
Dəyişir simalar, yadlaşır adlar,
Yadlara deyim ki, salamat qalın.
Var-dövlətim yoxdur, varı böləsən,
Sayıb övladlara yarı böləsən.
Öləndə də yarı görüb, öləsən,
Dostlara deyim ki, salamat qalın.
Deməyin ki, sizdən doyub gedirəm,
İki övladımı qoyub gedirəm.
Əbədi dünyamı duyub gedirəm,
Sağlara deyim ki, salamat qalın.
Ey könül
Görsən ki, yetişib ayrılıq dəmi,
Doldurma içinə nisgili, qəmi.
Qəmli gözlərində gözünün nəmi,
Sevgiylə dillənən dillər vəfasız.
Gözləmə bir daha sevdalar məndən,
Sən çox zilə qaxdın, mən dedim bəmdən.
İndi uzaqlara gedirəm səndən,
Gözlədiyin aylar, illər vəfasız.
Sonunda boş qalar, əlin də əlsiz,
Bir ömür sonuna yetişər sənsiz.
Yolumu gözləyər səssiz, səmirsiz,
Yollara dikilən gözlər vəfasız...
.jpg "Məhkəmədə diz çöküb yalvardı... - Hakim qanuni qərarla sevindirdi")
