Bakıda gənc motosikletçi yol qəzasında ölüb
Xaçmazda 70 yaşlı kişi eşşək dişlədikdən sonra ölüb
Qaydanı pozan “Gelandevagen”in sürücüsü saxlanıldı
Bakıda ata və 13 yaşlı oğlu dəm qazından ölüb
Milli Parkın ərazisində narkoplantasiya salan şəxs ələ keçdi
Azərbaycanlıların olduğu gəmilər vuruldu: ölənlər var
Bu gün "8-ci Kilometr" bazarında elektrik enerjisi olmayacaq
Xəzərdə avtoxuliqanlıq edən daha bir sürücü həbs edildi
Mədəniyyət Nazirliyinin Mədəniyyət üzrə Elmi-Metodiki və İxtisasartırma Mərkəzinin direktoru Asif Usubəliyev, direktor müavini Leyla Mehdiyeva və şöbə müdiri Nurəddin Babazadə Belarus Respublikasının Mogilyov vilayətinin Xalq Yaradıcılığı və Mədəni-Maarif işi üzrə Metodiki Mərkəzinin 80 illik yubileyinə həsr olunmuş "Milli-mədəni özünəməxsusluğun qorunması kontekstində ənənəvi mədəniyyətin dəyərləri" adlı konfransda iştirak ediblər. Mediainfo.az-ın məlumatına görə, konfrans zamanı iki mərkəzin birlikdə hazırladığı "Şəhər (rayon) Mədəniyyət Mərkəzləri (filialları ilə birlikdə), digər Mədəniyyət Evləri və klublarda fəaliyyət göstərən həvəskar rəqs dərnəyi və kollektivi rəhbərinin işinə dair" yeni beynəlxalq metodiki vəsaitin təqdimatı keçirilib.
Asif Usubəliyev çıxışında Xalq Yaradıcılığı və Mədəni-Maarif işi üzrə Metodiki Mərkəzin rəhbərliyini 80 illik yubiley münasibətilə təbrik edərək bildirib ki, böyük ənənələrə və elmi-kadr potensialına malik olan müəssisə ilə əməkdaşlıq çərçivəsində milli mədəniyyətin tanıdılması və təbliği istiqamətində, habelə mədəniyyət müəssisələrinin inkişafına xidmət edə biləcək birgə layihələrin reallaşması üçün xüsusi önəm daşıyır. Vurğulayıb ki, hər xalqa məxsus olan mədəni ənənələrin qorunub saxlanması və inkişaf etdirilməsi nəsillər arasında mühüm əlaqələndirici halqadır.
Qeyd edək ki, vəsaitin rəyçilərindən biri Xalq Yaradıcılığı və Mədəni-Maarif işi üzrə Metodiki Mərkəzin direktoru Oleq Xmelkovdur.
Daha sonra Metodiki və İxtisasartırma Mərkəzinin nümayəndə heyəti Mogilyov vilayətinin Xalq Yaradıcılığı və Mədəni-Maarif işi üzrə Metodiki Mərkəzinin 80 illik yubileyinə həsr olunmuş konsertdə iştirak edib.
Mediainfo.az
.jpg)
