İlqar Əliyev həbsdə vəfat etdi
Həyət evində yaşayanların nəzərinə! - 1000 manatadək cərimə...
Bakıda xəstəxanada bir yaşlı körpə ölüb
Bakıda sürücü yeniyetməni vurub öldürüb
Bakıda 100.000 manat dəyərində qızıl əşyalar oğurlanıb
Məşhur uşaq qidasında siçan zəhəri aşkarlandı
Tbilisidə azərbaycanlı qızın meyiti tapıldı
196 ölkədə axtarışda olan "Qızıl adam" - İnqilab Babayev saxlanıldı
Avro 2016 turniri çərçivəsində Lille-də Fransa polisi ilə futbol fanatları arasında baş verən təkrar toqquşmada azı 36 nəfər həbs olunub.
Fransa polisi deyib ki, həbslər çərşənbə günü boyunca aparılıb və 16 nəfər xəstəxanaya yerləşdirilib.
Çərşənbə günü gecəsi fişəng yandıran yüzlərlə İngilis futbol fanatlarının üzərinə xüsusi polis qüvvələri yeridilib.
BBC müxbiri Ceyms Rivell deyir ki, polislər gözyaşardıcı qazdan çox istifadə edib və cəlb olunanlar əsasən İngilis fanatları olub.
Bir müddət əvvəl, bəzi İngilis və Rusiya fanatları qarşıdurmadan sonra saxlanılıb.
Polis iğtişaşı dayandırmaq üçün gözyaşardıcı qazdan istifadə edib.
Çərşənbə günü Fransa polisi ilə fanatlar arasında yenidən qarşıdurma yaranıb
İngiltərə və Uelsdən olan dəstəkçilər cümə axşamı Lens yaxınlığında keçiriləcək komanda oyununu izləmək üçün şəhərə gəlib.
Çərşənbə günü Stade Pierre-Mauroy şəhərində keçirilən komanda oyunundan sonra Rusiya və Slovakiya fanatları da Lille şəhərindədir.
Lilldə olan ingiltərəli fanat Oliver Larkuorsi, dəmiryol stansiyası yaxınlığında polisin gözyaşardıcı qazına tuş gəlib.
"Mən küçənin aşağısına doğru hərəkət edən izdiham gördüm- orda İngiltərə, Slovakiya və daha çox yerli fanatlar var idi", o deyir.
"Orda stansiyanın ətrafında dayanıb sadəcə problem yaratmağı gözləyən çoxlu sayda qəzəbli Rusiya fanatları var. Bütün bunlar isə fəlakətin baş verməsini gözləyir. Bu sanki istənilən vaxt partlamağa hazır olan barıt çəlləyi kimidir."
Şənbə günü Rusiya fanatlarının İngiltərə fanatları üzərinə hücum etməsi səbəbindən Rusiya futbol komandası turnirdən şərti diskvalifikasiya edilib.
Toqquşmalar ilk əvvəl Lilli dəmiryol stansiyası yaxınlığında baş veribImage
Toqquşmalar ilk əvvəl Lilli dəmiryol stansiyası yaxınlığında baş verib
Çərşənbə günündən şəhərdə spirtli içki satışı dayandırılsa da bəzi kiçik supermarketlər satışı davam etdirib
Gecə saatlarında İngiltərə fanatları küçələrdə fişənglər yandırıblar.
UEFA həmçinin fanatlar tərəfindən zorakılıq olacağı halda İngiltərəni də Avro 2016-dan diskvalifikasiya etməsi ilə hədələyib.
20-41 yaş arası 6 İngiltərə fanatı, İngiltərə-Rusiya oyunu ətrafında iğtişaş yaratdığına görə bir aydan üç aya qədər həbs cəzası alıb.
Nord-Pas-de-Calais Picardy regionunun məmuru Michel Lalande deyib ki, spirtli içki qəbulu mərkəzi Lill və stadionun bəzi hissələrində qadağan olunub.
Şəhərdə spirtli içki satan mağazalar çərşənbə axşamından, yerli vaxtla 18:00-dan etibarən bağlanıb və cümə günü yerli vaxtla saat 06:00-da açılacaq, o deyib.
Buna baxmayaraq, Lilldə olan BBC-dən Geraint Ouen deyir ki, çərşənbə günü günorta saatlarında kiçik supermarketlər hələ də spirtli içki satırdı və içki küçədə aşkar şəkildə qəbul olunurdu (BBC).
Mediainfo.az
.jpg "Məhkəmədə diz çöküb yalvardı... - Hakim qanuni qərarla sevindirdi")
