
Gəncə şəhər Beynalxalq Hava Limanından Rusiyanın Vnukovo aeroportuna uçması gözlənilən aviareys təxirə salınıb.
"Report"un Qərb bürosunun məlumatına görə, dünən saat 18:00-da yerinə yetirilməli olan aviareys bu gün saat 12:00-dək təxirə düşüb.
İlkin məlumata görə, sözügedən aviareys ilə 118 sərnişinin uçması gözlənilirdi. Sərnişinlərin bəziləri Gəncə şəhərindəki hotellərə yerləşdirilib.
Ehtimal olunur ki, uçuşun təxirə düşməsinə səbəb təyyarədə yaranan texniki nasazlıqdır.
Azərbaycanpolisi.az