Mərdəkanda dənizdə boğulan dörd nəfərdən sonuncusunun cəsədi tapılıb
İmişlidə bir neçə ticarət obyekti yanır
Polşa sakini azərbaycanlını nifrət zəminində döyüb
Elçi göndərdiyi qızın atası 35 yaşlı kişini döyüb öldürdü
Gürcüstanda 21 yaşlı azərbaycanlı faciəvi şəkildə ölüb
Moskvadakı Ticarət Mərkəzinə dron hücumunda azərbaycanlılar yaralanıb
Maştağada 62 yaşlı kişini cərəyan vurub öldürdü
Azərbaycanlı qadın qayınatasını döyərək öldürüb?
16 İyun 12:02
Ermənistandakı 102-ci Rusiya hərbi bazasının hərbi qulluqçusu Dmitri Yalpayevin qətlinə dair istintaq yekunlaşıb. Mediainfo.az Virtualaz.org istinadən xəbər verir ki, qətldə ittiham olunan Arman Cancuqazyan özünü İŞİD terror təşkilatının tərəfdarı hesab edir və qətli də bu motivlə törətdiyini bildirir. Bunu istintaqdan bildiriblər. ("Kavkazskiy uzel")
Hərbi qulluqçu Dmitri Yalpayevin cəsədi 2017-ci il aprelin 22-də Gümrü hərbi bazasının yaxınlığında aşkar edilib. Onun bıçaqlanaraq öldürüldüyü məlum olub. Qətli törədən 20 yaşlı Arman Cancuqazyan saxlanılıb. İttiham aktında deyilir ki, Stepanavan şəhərinin sakini olan Cancuqazyan kimliyi istintaqa məlum olmayan şəxslərlə əlbir olaraq Yalpayevə "dini fanatizm motivləri ilə" ölümcül bıçaq zərbələr endirib.
Ermənistan İstintaq Komitəsinin nümayəndəsi bildirib ki, Cancuqazyan istintaqa ifadəsində İŞİD tərəfdarı olduğunu boynuna alıb. Ona dini, irqi və milli ayrı-seçkilik zəminində adam öldürmə, qanunsuz soyuq silah gəzdirmə maddələri ilə ittiham irəli sürülüb.
Xatırladılır ki, Cancuqazyanın saxlanılmasından sonra İstintaq Komitəsi onun psixi problemlərinin olduğunu və bu üzdən ordudan tərxis edildiyini açıqlamışdı. Belə ki, o, 2016-cı ildə hərbi xidmətdə olarkən bir neçə dəfə özünə xəsarət yetirib. Bundan sonra o, İrəvan hərbi hospitalının psixiatriya bölməsinə yerləşdirilib və bu ilin mart ayında ordudan tərxis olunub.
Lakin indi İstintaq Komitəsi Cancuqazyanın qətli şüurlu şəkildə, İŞİD tərəfdarı olduğu üçün törətdiyi qənaətinə gəlib.
