İspaniyanın "Real Madrid" klubunun sabiq baş məşqçisi Zinəddin Zidan uzun müddət işsiz qalmayacaq.
Fransalı mütəxəssis TVE-yə açıqlamasında tezliklə sevimli işinə qayıdacağını bildirib. "Əlbəttə, tezliklə məşqçi kimi futbola dönəcəyəm. Bu işi sevirəm və futbol mənim həyatımda önəmli yer tutur. Həyatım boyunca bu işlə məşğul olacağam".
Daha əvvəl Zidanın "Mançester Yunayted"in baş məşqçi postuna əsas namizəd olduğuna dair xəbərlər yayılıb. Təyinatı gerçəkləşəcəyi təqdirdə, o, "Real Madrid"dən Toni Kroosu, Almaniya "Bavariya"sından Tiaqo Alkantara və Xames Rodrigesi, Fransa PSJ-sindən isə Edinson Kavanini komandasında görmək istəyir. Habelə ötənlərin məşhur futbolçusunun 2019-cu ildə İtaliya "Yuventus"unda Massimiliano Alleqrini əvəzləyəcəyi bildirilir.
Qeyd edək ki, Zinəddin Zidan 2016-cı ildən rəhbərlik etdiyi "Real Madrid"in baş məşqçi postundan 3 ay öncə istefa verib. 46 yaşlı mütəxəssis "kral klubu" ilə İspaniya çempionu, ardıcıl 3 dəfə Çempionlar Liqasının qalibi olub. (report)
Həyət evində yaşayanların nəzərinə! - 1000 manatadək cərimə...
Bakıda xəstəxanada bir yaşlı körpə ölüb
Bakıda sürücü yeniyetməni vurub öldürüb
Bakıda 100.000 manat dəyərində qızıl əşyalar oğurlanıb
Məşhur uşaq qidasında siçan zəhəri aşkarlandı
Tbilisidə azərbaycanlı qızın meyiti tapıldı
196 ölkədə axtarışda olan "Qızıl adam" - İnqilab Babayev saxlanıldı
Dələduzluqda ittiham olunan məktəb direktoru Türkiyədən Azərbaycana ekstradisiya edilib




















































