Sentyabrın 7-də futbol üzrə Azərbaycan milli komandası UEFA-nın təsis etdiyi qitə miqyaslı yeni futbol turnirində - Millətlər Liqasında ilk oyununu keçirəcək.
"D" liqasının üçüncü qrupunda qərarlaşan Azərbaycan millisi Kosovo yığması ilə üz-üzə gələcək. Bakı Olimpiya Stadionunda keçiriləcək matç saat 20:00-da başlayacaq. Norveçli referi Ola Hobber Nilsenin idarə edəcəyi matç "CBC Sport" kanalı ilə birbaşa yayımlanacaq.
Milli komandamızın yer aldığı qrupun digər görüşündə Farer Adaları seçməsi Malta yığmasını qəbul edəcək.
Günün maraqla gözlənilən digər oyunu "Şenol Güneş Akyazı" stadionunda keçiriləcək. "B" liqasının 2-ci qrupunda yer alan Türkiyə millisi Rusiya yığmasını qəbul edəcək.
"A" liqasının üçüncü qrupunda Polşa yığması dördqat dünya çempionu İtaliya millisinin qonağı olacaq.
Digər üç görüş isə "C" liqasında yer alan komandalar arasında keçiriləcək. Bu liqanın 1-ci qrupunda yer alan Albaniya yığması İsrail millisini qəbul edəcək. Liqanın 4-cü qrupunda isə Litva-Serbiya, Rumıniya-Monteneqro görüşləri keçiriləcək.
Azərbaycan-Kosovo matçından başqa bütün görüşlər Bakı vaxtı ilə saat 22:45-da başlayacaq.AzərTac
Həyət evində yaşayanların nəzərinə! - 1000 manatadək cərimə...
Bakıda xəstəxanada bir yaşlı körpə ölüb
Bakıda sürücü yeniyetməni vurub öldürüb
Bakıda 100.000 manat dəyərində qızıl əşyalar oğurlanıb
Məşhur uşaq qidasında siçan zəhəri aşkarlandı
Tbilisidə azərbaycanlı qızın meyiti tapıldı
196 ölkədə axtarışda olan "Qızıl adam" - İnqilab Babayev saxlanıldı
Dələduzluqda ittiham olunan məktəb direktoru Türkiyədən Azərbaycana ekstradisiya edilib




















































