Maştağada 62 yaşlı kişini cərəyan vurub öldürdü
Azərbaycanlı qadın qayınatasını döyərək öldürüb?
Bakıda gənc motosikletçi yol qəzasında ölüb
Xaçmazda 70 yaşlı kişi eşşək dişlədikdən sonra ölüb
Qaydanı pozan “Gelandevagen”in sürücüsü saxlanıldı
Bakıda ata və 13 yaşlı oğlu dəm qazından ölüb
Milli Parkın ərazisində narkoplantasiya salan şəxs ələ keçdi
Azərbaycanlıların olduğu gəmilər vuruldu: ölənlər var
Bu gün Çempionlar Liqasında V tura start veriləcək.
Avropanın 32 ən güclü komandası qitənin ən nüfuzlu klub turnirində mübarizəni davam etdirmək üçün yaşıl meydanlara çıxacaq.
Bu görüşlər 1/8 finala yüksələcək komandaların sayının artması ilə nəticələnəcək. Artıq ilk iki yerdən birini təmin edən PSJ, "Bavariya", "Mançester Siti" və "Tottenhem"ə qoşulmaq şansına 12 komanda malikdir.
İlk oyun günündə E qrupunda yalnız bir vəsiqə sahibini tapa bilər. Bunun "Sevilya" - "Liverpul" görüşündə rəsmiləşməsi gözlənilir. Qalib gələn komanda 1/8 finala yüksələcək. Matç heç-heçə bitsə, İngiltərə təmsilçisi "Spartak"ın məğlubiyyəti sayəsində buna nail olacaq.
F qrupunda "Şaxtyor" 1/8 finala yüksələn ikinci komanda olmağa yaxındır. Bunun üçün Ukrayna təmsilçisi "Napoli"yə uduzmamalıdır. Hətta 2-dən artıq qol vurub, minimal hesabla uduzmaq da Donetsk təmsilçisini növbəti mərhələyə daşıyacaq.
G qrupunda "Beşiktaş"la "Porto" mərhələ adlamaq imkanına malikdir. Türkiyəlilər Portuqaliya klubuna uduzmasa, 1-ci yerlə 1/8 finala yüksələcək. Məğlubiyyət də onları növbəti raunda daşıya bilər. Bunun üçün "Leypsiq" də xal itirməlidir. Belə nəticələr qeydə alınsa, elə "Porto" da xoşbəxtlər arasına qoşulacaq.
"Real" H qrupundan 1/8 finala yüksələn 2-ci komanda olmaq üçün APOEL səfərindən qələbə ilə dönməlidir. Madridlilərə 1 xal da kifayət edə bilər. Amma bunun üçün "Borussiya" da xal itirməlidir.(APA)
