Bakıda gənc motosikletçi yol qəzasında ölüb
Xaçmazda 70 yaşlı kişi eşşək dişlədikdən sonra ölüb
Qaydanı pozan “Gelandevagen”in sürücüsü saxlanıldı
Bakıda ata və 13 yaşlı oğlu dəm qazından ölüb
Milli Parkın ərazisində narkoplantasiya salan şəxs ələ keçdi
Azərbaycanlıların olduğu gəmilər vuruldu: ölənlər var
Bu gün "8-ci Kilometr" bazarında elektrik enerjisi olmayacaq
Xəzərdə avtoxuliqanlıq edən daha bir sürücü həbs edildi
XX-XXI əsrlərin incəsənətində ən təsirli şəxslərdən biri hesab olunan britaniyalı rəssam Devid Hokni vəfat edib.
Oxuməni.az “BBC”yə istinadla xəbər verir ki, rəssamın mətbuat katibi Erika Bolton onun ölüm xəbərini yayıb. Hokni bir aydan sonra 89 yaşını qeyd edəcəkdi. Boltonun sözlərinə görə, Hokni "öz evində sakitcə vəfat edib".
Rəssam Böyük Britaniyada doğulub boya-başa çatsa da, həyatının əhəmiyyətli bir hissəsini ABŞ-da keçirib. O, həm Amerika pop-artına, həm də London məktəbinə aid edilir; hər iki istiqamət, bir şəkildə, XX əsrin ortalarında "modadankənar" hesab olunan təsviri incəsənətə qayıdışla bağlıdır.
Hokninin ən məşhur əsəri 1972-ci il tarixli "Rəssamın portreti"dir. Bu əsərdə iki kişi təsvir olunub: biri hovuzda üzür, digəri isə (rəssamın sevgilisi, Piter Şlezinger) onu seyr edir. 2018-ci ildə bu əsər Christie's hərracında 90,3 milyon dollara satılıb: bu, indiyə qədər hərracda satılan, müəllifi satış zamanı sağ olan bir əsər üçün ən yüksək qiymətdir.
Rəssamın digər tanınmış əsərləri arasında "Piter Nikin hovuzundan çıxır" (1966) və "Sıçrayış" (1967) yer alır.
Hokni "yaşayan klassik" reputasiyasına sahib idi; 2025-ci ildə Parisdəki Louis Vuitton Fondunda onun böyük retrospektivi keçirildi ki, bu da bu onilliyin Avropa incəsənət dünyasının ən diqqətəlayiq hadisələrindən biri oldu. Rəssam ömrünün sonuna qədər yeni texnikalar öyrənməyə davam edib, məsələn, 2019-cu ildə o, iPad-da Normandiya mənzərələrini çəkməyə başlayıb.
Hokni həm də incəsənət tədqiqatçısı kimi tanınır: 2001-ci ildə o və fizik Çarlz M. Falko, İntibah dövrü ustalarının əsərlərində kamera-obskura və digər optik cihazlardan istifadə etdikləri barədə hipotez irəli sürdülər – çünki bu cür realizmə başqa cür nail olmaq mümkün deyildi.
Almaz Həsənli
.jpg)
