Gürcüstanda 21 yaşlı azərbaycanlı faciəvi şəkildə ölüb
Moskvadakı Ticarət Mərkəzinə dron hücumunda azərbaycanlılar yaralanıb
Maştağada 62 yaşlı kişini cərəyan vurub öldürdü
Azərbaycanlı qadın qayınatasını döyərək öldürüb?
Bakıda gənc motosikletçi yol qəzasında ölüb
Xaçmazda 70 yaşlı kişi eşşək dişlədikdən sonra ölüb
Qaydanı pozan “Gelandevagen”in sürücüsü saxlanıldı
Bakıda ata və 13 yaşlı oğlu dəm qazından ölüb
Azərbaycan və Gürcüstanın birgə təşkil edəcəyi qadın voleybolçular arasında AÇ-2017-in püşkatma mərasimin vaxtı dəqiqləşib. Apasport.az saytının məlumatına görə, qitənin ən nüfuzlu turnirin püşkü noyabrın 24-də atılacaq.
Tədbir Bakıda keçiriləcək. Mərasimə CEV rəhbərliyi ilə yanaşı, məşhur voleybolçuların da gəlməsi gözlənilir.
Bu arada yarışın keçiriləcəyi şəhərlərin siyahısında da dəyişiklik edilib. Belə ki, ölkəmizdə baş tutacaq 3 qrupdan birinin ev sahibi olacaq Qubanı Göygöl əvəzləyib. Artıq burada hazırlıq işlərinə də başlanılıb.
Bu gün isə Avropa Voleybol Konfederasiyasının vitse-prezidenti, eləcə də, Türkiyə Voleybol Federasiyasının vitse-prezidenti Özkan Mutlugil Göygöldə səfərdə olub. Onunla yanaşı, Azərbaycan Voleybol Federasiyasının rəhbərliyi də rayonun İcra Hakimiyyətinin və Gənclər və İdman İdarəsinin rəsmiləri ilə görüşüb.
Beləliklə, əvvəldən də açıqlandığı kimi, Avro-2017-də Gürcüstanda cəmi 1 qrupun oyunları və 1/4 final matçları baş tutacaq. Digər 3 qrup - biri Göygöldə, ikisi Bakıda olmaqla, Azərbaycanda mübarizə aparacaq. Çempionatın həlledici qarşılaşmaları – yarımfinal və final oyunları da paytaxtımızda gerçəkləşəcək.
Qeyd edək ki, yarışa 16 komanda qatılacaq. Bunlar ev sahibləri Azərbaycan və Gürcüstanla yanaşı, Avro-2015-in mükafatçıları – Rusiya, Hollandiya və Serbiya, həmçinin ilk "beşlik"də qərarlaşan Türkiyə və Almaniya yığmalarıdı. II seçmə mərhələdə onlara İtaliya, Belçika, Polşa, Xorvatiya, Bolqarıstan və Belarus, pley-offda isə Çexiya, Ukrayna və Macarıstan da qoşulub.
Mediainfo.az
