.jpg)
Uzunömürlülərin qanında xərçəng hüceyrələrini məhv edən nadir immun hüceyrələri aşkarlanıb
İlanı öldürdü, bir müddət sonra özü həyatını itirdi
İtaliyada oğluna 3 gün toy etdi, 6 milyon xərclədi - Foto
Qorxunc plan: Əhali sayı sürətlə azaldılmalıdır...
“Allahın verdiyi burnu kəsdirənlər mənə söz deyir“
İsrail Amerikanın F-35 qırıcısının analoqunu yaratmağı planlaşdırır
Gəlinini narahat edən kişinin üzərindən maşını ilə keçdi
Mərdəkanda dənizdə boğulan dörd nəfərdən sonuncusunun cəsədi tapılıb
Belçikada adi bir avtomobil satıcısı həyatı yaşayan 26 yaşlı Klement Vandenkerkhovenin həyatı DNT testindən sonra qəfil dəyişdi. Uzun illər tanımadığı atasının Şahzadə Loran olduğu məlum oldu. Rəsmi tanınmadan sonra Vandenkerkhove kral ailəsinin üzvü oldu və yeni statusu ilə gələn hüquqlar da müzakirə mövzusuna çevrildi.
Belçikada illərdir sirr olaraq qalan bir ailə tarixi rəsmi olaraq tanınıb. Avtomobil satıcısı olan 26 yaşlı Klement Vandenkerkhove, Belçika Kralı Filipin qardaşı Şahzadə Loranın oğlu olduğunu öyrəndikdən sonra kral ailəsinin bir hissəsi oldu. DNT testində 99,5 faiz uyğunluq aşkar edildikdən sonra Loranın atalığı rəsmi olaraq tanınıb və Vandenkerkhove indi Belçika Şahzadəsi tituluna sahibdir.
Klement Vandenkerkhove 2000-ci ildə belçikalı müğənni və keçmiş model İris Vandenkerkhovenin ailəsində anadan olub. Səhnə adı Wendy Van Wanten ilə tanınan anasının 1990-cı illərdə Şahzadə Loranla münasibəti olub.
Klement atasının kimliyini 16 yaşında öyrənib. Dörd il sonra Şahzadə Loranla əlaqə saxlayıb. Sonrakı DNT testi 99,5 faiz uyğunluq aşkar edib. Loran 2025-ci ilin sentyabr ayında verdiyi açıqlamada Klementin bioloji atası olduğunu açıqlayıb.
Vandenkerkhovenin həyatı ilə bağlı ən diqqətəlayiq detallardan biri onun illərlə adi bir həyat sürməsidir.
Bildirilir ki, 26 yaşlı Klement Opel dilerində avtomobil satıcısı işləyib və qrafik dizayner kimi təhsil alıb. Kral ailəsi ilə əlaqəsi rəsmiləşəndə həyatı dərhal dəyişib.
Şahzadə Loranın atalığı təxminən altı ay əvvəl bələdiyyə binasında sakit bir mərasimdə rəsmi olaraq qeydə alınıb. Beləliklə, Klement Belçika qanunvericiliyinin müddəalarına uyğun olaraq Belçika Şahzadəsi titulundan istifadə etmək hüququ qazanıb.
Lakin onun yeni titulunun olması dövlətin ona maaş ödəyəcəyi və ya kral vəzifələrini öz üzərinə götürəcəyi demək deyil. Klementin heç bir rəsmi vəzifəsi olmayacaq və Belçika taxt-tacına varislik etmək hüququ olmayacaq.
Rəsmi tanınmanın ən vacib nəticələrindən biri miras məsələsidir.
Klement, Şahzadə Loranın həyat yoldaşı Şahzadə Klerdən olan üç uşağı - Luiz, Nikolas və Aymerik ilə birlikdə atalarının şəxsi əmlakını miras almaq üçün bərabər hüquqlara malik olacaqlar.
Klementin başqa bir seçimi var: atasının ailəsinə məxsus olan Sakse-Koburq soyadından istifadə etmək.
Lakin Vandenkerkhove əvvəllər anasının soyadına bağlı olduğunu və onu dəyişdirmək istəmədiyini bildirmişdi. Buna görə də, yeni şahzadənin hələlik öz soyadını saxlaması gözlənilir.
Klementin hekayəsi həmçinin Belçika kral ailəsində əvvəllər baş verən oxşar bir proses məsələsini yenidən gündəmə gətirdi. Keçmiş Kral II Albert, illərdir rəssam Delfin Boeli qızı kimi tanımaqdan imtina etdikdən sonra, 2020-ci ildə hüquqi prosedurdan sonra atalığını etiraf etdi.
Klementin vəziyyətində proses fərqli idi: Şahzadə Loran özü 2025-ci ildə bioloji atalığını elan etdi.
Əziz Mustafa
.jpg "Mənzilin girişinə kamera quraşdırarkən qonşunun icazəsi olmalıdır - Ali Məhkəmə")
.jpg)
.jpg)
.jpg)
