Mərdəkanda dənizdə boğulan dörd nəfərdən sonuncusunun cəsədi tapılıb
İmişlidə bir neçə ticarət obyekti yanır
Polşa sakini azərbaycanlını nifrət zəminində döyüb
Elçi göndərdiyi qızın atası 35 yaşlı kişini döyüb öldürdü
Gürcüstanda 21 yaşlı azərbaycanlı faciəvi şəkildə ölüb
Moskvadakı Ticarət Mərkəzinə dron hücumunda azərbaycanlılar yaralanıb
Maştağada 62 yaşlı kişini cərəyan vurub öldürdü
Azərbaycanlı qadın qayınatasını döyərək öldürüb?
Ukrayna, NATO ölkələrindən yeni, çoxmilyardlıq hərbi yardım alacaq. Oxuməni.az xəbər verir ki, bu barədə cümə günü AFP diplomatlara istinadən, həmçinin dpa və Reuters Ankarada keçiriləcək Şimali Atlantika Alyansının qarşıdan gələn sammitinin bəyanat layihəsinə istinadən məlumat yayıb.
NATO-nun 32 üzvünün nümayəndələri NATO sammitinə bir neçə gün qalmış müvafiq razılığa gəliblər. Reuters-in qeyd etdiyi kimi, yekun bəyannamə layihəsi iyulun 3-də alyansın bütün 32 ölkəsinin səfirləri tərəfindən təsdiqlənib. Ukraynaya 2026 və 2027-ci illərdə hər il hərbi texnika, dəstək və hərbi təlim üçün ən azı 70 milyard avro ayrılması planlaşdırılır.
Bu yardım proqramına əvvəllər qəbul edilmiş AB-nin hərbi dəstək paketi daxildir ki, bu çərçivədə Kiyev 2027-ci ilin sonuna qədər müdafiə xərcləri üçün təxminən 60 milyard avro alacaq. Beləliklə, NATO ölkələri bu məbləğə milli büdcələrdən daha təxminən 80 milyard avro əlavə etmək barədə razılığa gəliblər, dpa qeyd edir.
Almaniya informasiya agentliyi daha sonra yazır ki, bu vəsaitin əhəmiyyətli bir hissəsini Almaniya təmin edəcək, çünki ABŞ Ukraynaya yardımı maliyyələşdirməyi böyük ölçüdə dayandırıb. Cari ildə Almaniya hökuməti Ukrayna üçün artilleriya, pilotsuz təyyarələr, zirehli texnika və digər silahlar üçün artıq 11,5 milyard avro ayırıb. Almaniya Müdafiə Nazirliyi bunu Rusiya Federasiyasının genişmiqyaslı işğalının başlanğıcından bəri ən yüksək məbləğ adlandırır.
Bundan əlavə, NATO sammitinin yekun bəyannamə layihəsində ABŞ prezidenti Donald Tramp da daxil olmaqla bütün iştirakçılar Şimali Atlantika Müqaviləsinin 5-ci maddəsinə sadiqliyini təsdiqləyirlər. Mətndə vurğulanır ki, "bir üzvə hücum hamıya hücumdur".
Almaz Həsənli
.jpg)
