Mərdəkanda dənizdə boğulan dörd nəfərdən sonuncusunun cəsədi tapılıb
İmişlidə bir neçə ticarət obyekti yanır
Polşa sakini azərbaycanlını nifrət zəminində döyüb
Elçi göndərdiyi qızın atası 35 yaşlı kişini döyüb öldürdü
Gürcüstanda 21 yaşlı azərbaycanlı faciəvi şəkildə ölüb
Moskvadakı Ticarət Mərkəzinə dron hücumunda azərbaycanlılar yaralanıb
Maştağada 62 yaşlı kişini cərəyan vurub öldürdü
Azərbaycanlı qadın qayınatasını döyərək öldürüb?
Özbəkistanın faktiki əhalisi mövcud statistik hesablamalardan daha yüksəkdir. Milli Statistika Komitəsinin rəhbəri tərəfindən açıqlanan ilkin siyahıyaalma məlumatlarına görə, 15 yanvar 2026-cı il tarixinə ölkə əhalisi 39 milyondan çox olub ki, bu da əvvəllər hesablanandan 810.617 nəfər çoxdur.
15 yanvar 2026-cı il tarixinə Özbəkistan əhalisi 39.047.321 nəfər olub. Oxuməni.az-ın verdiyi xəbərə görə, bu barədə Milli Statistika Komitəsinin sədri Behzod Xamrayev "Gazeta" müxbirinin verdiyi açıqlamada deyib. Behzod Xamrayevin sözlərinə görə, kişilər əhalinin 19,77 milyon nəfərini və ya 50,6%-ni, qadınlar isə 19,28 milyon nəfərini və ya 49,4%-ni təşkil edir.
Özbəklər əhalinin 34,9 milyon nəfərini və ya 89,4%-ni təşkil edir. Onlardan sonra 1,28 milyon (3,27%) taciklər, 841.400 (2,15%) qaraqalpaqlar, 707.330 (1,81%) qazaxlar və 606.530 (1,55%) ruslar gəlir. Qırğızların sayı 219.100 (0,56%), türkmənlərin sayı isə 194.760 (0,5%) təşkil edir. Digər etnik qrupların nümayəndələri 300.020 nəfər (0,77%) təşkil edirdi.
Özbək dili əhalinin 91,3%-i və ya 35,7 milyon nəfər tərəfindən ana dili kimi bildirilirdi. Bu rəqəm etnik özbəklərin payından (89,4%) 1,9 faiz bəndi çoxdur.
Əhalinin əksəriyyəti şəhərlərdə yaşayır. İlkin məlumatlara görə, əhalinin 21,3 milyon nəfəri və ya 54,5%-i şəhər yerlərində yaşayır. 17,8 milyon nəfər və ya 45,5%-i kənd yerlərində yaşayır.
Bəhzod Xamrayev həmçinin əhalinin yaş strukturu haqqında məlumat verib.
"Əhalinin yaş qruplarına görə bölgüsünə baxsaq, əmək qabiliyyətli yaşdan kiçik insanların sayı 12,5 milyon, əmək qabiliyyətli əhali isə 21,7 milyon olub ki, bu da statistik hesablamalarımızdan 400 min nəfər çoxdur", - deyə Milli Statistika Komitəsinin sədri bildirib.
İlkin məlumatlara görə, Özbəkistan əhalisi 1989-cu il siyahıyaalmasının nəticələri ilə müqayisədə iki dəfə artıb.
Əziz MUSTAFA
.jpg)
