Bakıda gənc motosikletçi yol qəzasında ölüb
Xaçmazda 70 yaşlı kişi eşşək dişlədikdən sonra ölüb
Qaydanı pozan “Gelandevagen”in sürücüsü saxlanıldı
Bakıda ata və 13 yaşlı oğlu dəm qazından ölüb
Milli Parkın ərazisində narkoplantasiya salan şəxs ələ keçdi
Azərbaycanlıların olduğu gəmilər vuruldu: ölənlər var
Bu gün "8-ci Kilometr" bazarında elektrik enerjisi olmayacaq
Xəzərdə avtoxuliqanlıq edən daha bir sürücü həbs edildi
Pakistan ABŞ və İran arasında razılaşma, eləcə də Livan da daxil olmaqla regionda atəşkəs elan etdi.
"İntensiv danışıqlardan sonra Amerika Birləşmiş Ştatları ilə İran İslam Respublikası arasında sülh razılaşmasının bağlandığını elan etməkdən məmnunuq. Hər iki tərəf Livan da daxil olmaqla bütün cəbhələrdə dərhal və daimi olaraq hərbi əməliyyatların dayandırıldığını elan edib", - Pakistanın Baş naziri Şahbaz Şərif sosial mediada yazıb.
Onun sözlərinə görə, rəsmi imzalanma mərasimi 19 iyun cümə günü İsveçrədə keçiriləcək.
ABŞ-İran danışıqlarında vasitəçilik edən Pakistan razılaşmanın əldə edilməsində iştirak edən Vaşinqton və Tehrana, eləcə də Qətər, Səudiyyə Ərəbistanı və Türkiyəyə təşəkkür edib.
"Razılaşma əldə edildiyindən, vasitəçilər bu həftə bir sıra görüşlər təşkil edəcəklər. Sazişin icrasından əvvəl aparılan bu müzakirələr texniki danışıqlar və rəsmi imzalanma mərasimi üçün zəmin yaradacaq", - deyə Şərif əlavə edib.
ABŞ Prezidenti Donald Tramp sosial media hesabı olan Truth Social-da yazıb ki, "İranla bağlı razılaşma tamamlandı".
"Hamınızı təbrik edirəm! Bununla Hörmüz boğazının rüsumsuz açılmasına tam icazə verirəm və eyni zamanda ABŞ Silahlı Qüvvələri tərəfindən dəniz blokadasının dərhal qaldırılmasına icazə verirəm. Dünya gəmiləri, mühərriklərinizi işə salın. Neftin axmasına icazə verin!" - deyə o əlavə edib.
Daha sonra jurnalistlərə danışan Tramp Hörmüz boğazının İranla razılaşma imzalandıqdan sonra açılacağını açıqlayıb.
İran xarici işlər nazirinin müavini Kazem Qəribabadi dövlət televiziyasına telefon müsahibəsində ABŞ ilə razılaşmanın yekunlaşdırıldığını və cümə günü İsveçrədə rəsmi olaraq imzalanacağını təsdiqləyib.
"Livan da daxil olmaqla, bütün cəbhələrdə hərbi əməliyyatların qəti və dərhal dayandırılması elan edilib", - deyə o bildirib.
Qəribabadi əlavə edib ki, yekun sülh razılaşmasına nail olmaq üçün danışıqlar 60 gün ərzində aparılacaq və bu müddət ərzində İran memorandumun müddəalarının icrasını "tələyə barmağı ilə" izləyəcək.
ABŞ-ın vitse-prezidenti J.D. Vance Cenevrədə keçiriləcək mərasimdə iştirak etməyi planlaşdırdığını bildirib, lakin prezident Donald Trampın da iştirak edə biləcəyini qeyd edib.
Vance Fox News-a verdiyi müsahibədə deyib: "Mən mütləq orada olmağı planlaşdırıram, amma prezidentin özünün də orada olması mümkündür".
Əziz Mustafa
