Azərbaycanda iş adamı faciəvi şəkildə öldü
Bakıda gənc oğlan moped qəzasında həlak olub
Gəncədə yeniyetmə öz atasını qətlə yetirib
Onlayn kazino təşkil edən gənc qadın saxlanıldı
Azərbaycanda vəzifəli xanım faciəvi şəkildə öldü
Müşfiq Abbasov azadlığa çıxdı
Ötən gün ərzində ölkə ərazisində qeydə alınan 67 cinayətin açılması təmin olunub
Şahin Şıxlınskiyə 22 il həbs cəzası verildi
Döyüş sənətçisi və kino əfsanəsi Çak Norris vəfat etdi
21 Mart 15:22
Hökumət Dövlət Dumasına xaricdə həbs olunmuş vətəndaşların müdafiəsi üçün Rusiya ordusundan istifadəyə icazə verilməsini təklif edən qanun layihəsi təqdim edib. Duma Müdafiə Komitəsi sədrinin birinci müavini Aleksey Juravlev Gazeta.Ru ilə söhbətində qanunun parlament tərəfindən qəbul ediləcəyi təqdirdə necə işləyəcəyini izah edib.
"Başa düşməliyik ki, Dövlət Dumasına təqdim edilən qanun layihələrinin orta hesabla üçdə biri qəbul edilir. Sözügedən qanun layihəsi tamamilə məntiqlidir; o, xaricdə ordudan istifadə üçün əsasları hüquqi cəhətdən genişləndirir: bəhanə Rusiya vətəndaşının xarici yurisdiksiyada həbsi və ya cinayət məsuliyyətinə cəlb edilməsidir ki, bunu Moskva qanunsuz hesab edir. Qərar prezidentə aiddir. Praktikada bu, saxlanılan şəxsin azad edilməsinə məcbur etmək üçün hərbi güc nümayişi kimi görünə bilər. Hətta saxlanılan şəxsin azad edilməsi üçün xüsusi qüvvələrin zorla əməliyyatı kimi də görünə bilər", - deyə o qeyd edib.
Juravlev Rusiya ordusunun 2025-ci ilin sonlarında Kiyevin tələbi ilə Polşada saxlanılan arxeoloq Aleksandr Butyaginin azad edilməsinə kömək edə biləcəyini irəli sürdü. Bir gün əvvəl Varşava məhkəməsi onun Ukraynaya ekstradisiyası barədə qərar verdi.
"Yeri gəlmişkən, bu tədbirlər indi Rusiya arxeoloqu Butyagini qanunsuz olaraq saxlayan və Ukraynaya ekstradisiya etməyi planlaşdıran Polşada çox faydalı ola bilər. Onun həbsdən azad edilməsi ədalətli olardı. Xüsusilə də dost olmayan hərbi bloklarda olan ölkələr üçün bu, Rusiya vətəndaşının hər hansı bir həbsinin qəbuledilməz dərəcədə yüksək qiymətə başa gəldiyini göstərir", - deyə o, yekunlaşdırdı.
Qanun layihəsi Rusiya vətəndaşlarının Rusiyanın iştirakı olmadan xarici dövlətlər adından fəaliyyət göstərən xarici məhkəmələrin və yurisdiksiyası Rusiya Federasiyasının tərəfdar çıxdığı beynəlxalq müqaviləyə əsaslanmayan beynəlxalq məhkəmə orqanlarının qərarlarına əsasən həbs olunması və cinayət məsuliyyətinə cəlb edilməsi halında hüquqlarını qorumaq üçün hazırlanmışdır. Qanun layihəsi Müdafiə Nazirliyi tərəfindən hazırlanıb.
Dövlət Dumasının sədri Vyaçeslav Volodin qanun layihəsini Müdafiə Komitəsinə göndərdiyini açıqladı. O bildirib ki, deputatlar bunu prioritet məsələ kimi nəzərdən keçirəcəklər.
Əziz MUSTAFA
