Bakıda gənc motosikletçi yol qəzasında ölüb
Xaçmazda 70 yaşlı kişi eşşək dişlədikdən sonra ölüb
Qaydanı pozan “Gelandevagen”in sürücüsü saxlanıldı
Bakıda ata və 13 yaşlı oğlu dəm qazından ölüb
Milli Parkın ərazisində narkoplantasiya salan şəxs ələ keçdi
Azərbaycanlıların olduğu gəmilər vuruldu: ölənlər var
Bu gün "8-ci Kilometr" bazarında elektrik enerjisi olmayacaq
Xəzərdə avtoxuliqanlıq edən daha bir sürücü həbs edildi
“The Wall Street Journal” qəzeti Sudan rəsmiləri arasında olan mənbələrə istinadən xəbər verir ki, Sudan hərbi hökuməti Rusiyaya Qırmızı dəniz sahilində Rusiya hərbi bazasının yaradılmasını nəzərdə tutan 25 illik əməkdaşlıq müqaviləsi təklif edib.
Təklif çərçivəsində Rusiya ölkəyə 300-ə qədər əsgər və nüvə enerjisi ilə işləyənlər də daxil olmaqla dördə qədər hərbi gəmi yerləşdirə bilər. Təklif olunan baza Port Sudanda və ya Qırmızı dənizdə hələlik açıqlanmayan başqa bir yerdə yerləşəcək.
Bundan əlavə, Sudan hakimiyyəti Rusiyaya Afrikanın üçüncü ən böyük qızıl istehsalçısı hesab edilən Sudanda mədən güzəştlərinə çıxış təklif edir.
Nəşrin mənbələri bildirib ki, bunun müqabilində Sudan hakimiyyəti qabaqcıl Rusiya hava hücumundan müdafiə sistemlərini və digər silahları endirimli qiymətlərlə almaq istəyir. Qəzet qeyd edib ki, “Sürətli Reaksiya Qüvvələrinin” döyüşçüləri ilə döyüşən Sudan hərbi rejimi ağır vəziyyətdədir. Bir mənbəyə görə, Sudan yeni silah təchizatına ehtiyac duyur, lakin Rusiya ilə bağlanan müqavilə ölkə hakimiyyəti üçün ABŞ və AB ilə problemlər yarada bilər.
"Wall Street Journal" qəzetinin qeyd etdiyi kimi, bu razılaşma Afrikadakı mövqeyini gücləndirməyə çalışan Moskvaya "strateji üstünlük" verə bilər. Xüsusilə, Port Sudandan Rusiya qüvvələri Avropa ilə Asiya arasında ən qısa yol olan və qlobal ticarətin təxminən 12%-nin daşındığı Süveyş kanalı vasitəsilə dəniz nəqliyyatını izləyə biləcəklər.
Rusiya ilə Sudan arasındakı razılaşma, həmçinin Rusiya və Çinin Afrika limanları üzərində nəzarəti ələ keçirməsinin qarşısını almağa çalışan "ABŞ üçün narahatlıq doğuran bir inkişaf" olacaq.
Almaz Həsənli
.jpg)
