Kanadada məktəbdə baş verən atışmada on nəfər həlak olub
“20 Yanvar”-“Şamaxinka”dakı tıxacın azaldılması üçün tunel tikilir
Qurban Qurbanov ağır vəziyyətdə olan sabiq komanda yoldaşına maddi dəstək oldu
Ukraynada döyüşən məşhur azərbaycanlı öldü
Əli Kərimli barədə həbs qətimkan tədbiri uzadılıb
Avtobusda cibgir saxlanılıb
Hərbçilərimiz qəzaya düşdü: ölən və yaralananlar var
İlhamə Quliyevanın bacısı qızı həbs edilib
11 Fevral 11:09
Kanadanın Britaniya Kolumbiyasındakı Tumbler Ridge Liseyində baş verən atışmada on nəfər həlak olub. Şübhəli hücumçunun cəsədi də hadisə yerində tapılıb.
CBC News polisə istinadən xəbər verir ki, ölənlərdən altısı məktəb binasının içərisində, digəri isə xəstəxanaya aparılarkən ölüb. İki qurban yaxınlıqdakı evdə huşsuz vəziyyətdə tapılıb; polis onların ölümünün məktəbdəki hadisə ilə əlaqəli olduğuna inanır.
İlkin məlumatlara görə, hücumçu intihar edib. Ölənlərdən əlavə, ən azı 25 nəfər yaralanıb, onlardan ikisi ağır vəziyyətdədir və xəstəxanaya yerləşdirilib. Məktəbdəki bütün qalan şagirdlər və işçilər təxliyə edilib.
AFP-nin qeyd etdiyi kimi, Kanada mediası əvvəlcə atəş açan şəxsin qadın olduğunu bildirib, lakin polis hələlik hücumçu haqqında məlumat yaymayıb, baxmayaraq ki, onu müəyyən etdiklərini iddia edirlər.
Kanadanın Baş naziri Mark Karni sosial mediada atışma xəbərindən "dəhşətə gəldiyini" bildirib. O, əlavə edib ki, "dualarım və dərin hüznlə başsağlığım bu dəhşətli zorakılıq aktında yaxınlarını itirən ailələrə və dostlaradır".
Əziz MUSTAFA
