Bakıda sürücü yeniyetməni vurub öldürüb
Bakıda 100.000 manat dəyərində qızıl əşyalar oğurlanıb
Məşhur uşaq qidasında siçan zəhəri aşkarlandı
Tbilisidə azərbaycanlı qızın meyiti tapıldı
196 ölkədə axtarışda olan "Qızıl adam" - İnqilab Babayev saxlanıldı
Dələduzluqda ittiham olunan məktəb direktoru Türkiyədən Azərbaycana ekstradisiya edilib
Kosmetoloq Ülviyyə İlyasovaya amnistiya aktı şamil edilib
60 yaşlı kişi pilləkəndən yıxılıb öldü
Xalq artisti, tanınmış aktyor Yasin Qarayevi aldadıblar. Yerli seriallardan birinə çəkilən aktyorun pulunu mənimsəyiblər.
Mediainfo.az-ın verdiyi xəbərə görə, yeniçağ.az-a açıqlama verən illərin sənətkarı üstündən bir il keçsə də, pulunu hələ də ala bilmədiyini bildirib:
"Bir neçə il bundan əvvəl "Boyunbağı" adlı bir seriala dəvət aldım. 7-8 seriyaya çəkildim, amma qonorarımı vermədilər. Gündə sabaha salıb, aldatdılar, mən də inandım. Sonradan həmin serialın çəkilişləri yarımçıq dayandırıldı. Dəfələrlə zəng etdim, amma xeyri olmadı. Hər dəfə mənə zəng edib, çəkilişə çağırdılar, biri yalandan dedi ki, pulunu verəcəm, səbrli ol. Axırda dedi ki, əəsəblərimlə oynama, get işinlə məşğul ol. Belə haqsızlıqları görəndə əsəblərim tab gətirmir, çünki xəstə adamam. İstəmirəm stresslərlə sağlamlığıma zərbə vurum. Heç məhkəməyə də müraciət etmədim, çünki istəmirəm elə adamların səviyyəsinə düşüm. Həm də səhhətimə ziyan vurmuş olacam".
Y. Qarayev buna görə də işini ehtiyatlı tutacağını, hansı filmə, ya seriala dəvət alsa, şərti şumda kəsəcəyini deyib:
"Mən bir neçə il əvvəl Kinostudiyanın istehsalı olan "Axırıncı dayanacaq" bədii filmində çəkildim, bir çəkiliş gününə görə 500 manat verdilər. 5-6 günə 3 min manat qazancım oldu. İndi yenə də bir filmə dəvət ediblər, amma qabaqcadan şərt kəsəcəm, istədiyim pulu versələr, çəkiləcəm. Əslində, hər aktyorun öz qiyməti var. Rasim Balayev kimi sənətkar baldır, qənddir, onun öz qiyməti var. Eləcə də bir çox başqa aktyorlarımızı qiymətləndirmək lazımdır. Küçədən keçəni gətirib, bizim kimi aktyorlara tay eləməməlidirlər. Fərq mütləq olmalıdır".
Mediainfo.az
.jpg "Məhkəmədə diz çöküb yalvardı... - Hakim qanuni qərarla sevindirdi")
