Qabil Məmmədov, Məhəmməd Mirzəli və digərləri barəsində həbs qərarı verildi
Ukraynada gedən döyüşlərdə daha bir azərbaycanlı həlak olub
Azərbaycanda ata ehtiyatsızlıqdan 2 yaşlı qızını vuraraq öldürüb
Bakıda IV kurs tələbəsi faciəli şəkildə ölüb
Azərbaycanda ağır yol qəzası: Bir ailənin beş üzvü xəsarət aldı
Sarkozi ev dustaqlığından azad edildi
Gürcüstanda itkin düşən azərbaycanlı qızın meyiti tapılıb
Meksikada “TikTok” ulduzu canlı yayımda öldürüldü
“Sergey Paracanov Bakıda “Aşıq Qərib” filmini çəkəndə hələ Birinci Qarabağ müharibəsi başlamamışdı. Müharibənin iyi gəlirdi. Bir-birimizi tapdıq, Cavanşir Quliyev də filmin bəstəkarı idi. Paracanov istəyirdi ki, mən bu filmdə muğam ifa edim, amma Cavanşir Quliyev istəmirdi. O filmdə aşıq musiqisindən istifadə etməyin zəruri olduğunu deyirdi. Bu film daha sonralar Parisdə 1-ci yerə çıxdı. Biz o vaxt Parisə konsertə getmişdik, gördük ki, filmin afişası divarlardan asılıb”.
Bunu Moderator.az-a açıqlamasında xalq artisti Alim Qasımov deyib. O daha sonra əlavə edib:
“Mən oteldə Paracanovun yanında idim. Ona kimsə zəng etdi. Mən də axı eşidirəm. Deyirdi ki, niyə Alim Qasımovu çəkib, Azərbaycan musiqisini təbliğ edirsən? O da dedi ki, mənim işimə yarıyır, ona görə çəkirəm. Ona ermənilər mane olmaq istəyirdilər. Sənəti siyasətə qatmaq olmaz. Musiqinin dili yoxdur. Siyasət bir vaxt gələcək ki, sular durulacaq, amma sənət yüksəkdə qalacaq. Amma buna baxmayaraq mənim heç vaxt erməni dostum olmayıb. Bir dəfə də eyni hadisə Fransada bizim başımıza gəldi. Təşkilatçıya demişdilər ki, sən nə tapmısan bu Alimdə, onu tez-tez konsert vermək üçün bura gətirirsən? Belə hadisələr başımıza o qədər gəlib ki. Hava limanında başımıza oyun açıblar, qavalımızı buraxmayıblar. Belə hadisələri danışsam bir nağıl olar. Allahın göylərə qaldırdığını heç kim zirvədən aşağı ata bilməz” deyə sənətkar bildirib.
Sənətkar hava şəraitinə görə istirahətə yollana bilmədiyini bildirib:
“Hələ ki, ailəmlə birlikdə Bakıdayam. Hava qoymur ki, Şamaxıya istirahətə gedim. Həm də burada bir-iki çıxışım var. Bundan sonra hər il olduğu kimi hava istiləşən kimi ora gedəcəm” deyə sənətkar bildirib.
Azərbaycanpolisi.az
.jpg)
