Mərdəkanda dənizdə boğulan dörd nəfərdən sonuncusunun cəsədi tapılıb
İmişlidə bir neçə ticarət obyekti yanır
Polşa sakini azərbaycanlını nifrət zəminində döyüb
Elçi göndərdiyi qızın atası 35 yaşlı kişini döyüb öldürdü
Gürcüstanda 21 yaşlı azərbaycanlı faciəvi şəkildə ölüb
Moskvadakı Ticarət Mərkəzinə dron hücumunda azərbaycanlılar yaralanıb
Maştağada 62 yaşlı kişini cərəyan vurub öldürdü
Azərbaycanlı qadın qayınatasını döyərək öldürüb?.jpg)
BMT tarixində ilk dəfə qadın baş katib ola bilər
26 İyun 12:23
Varşava nasist işğalı zamanı əziyyət çəkən on minlərlə Polşa vətəndaşına maliyyə dəstəyi üçün ətraflı plan hazırlayıb Berlinə təqdim edib.
Bu barədə Süddeutsche Zeitung məlumat yayıb.
Yeni plana əsasən, Polşa Almaniya hökumətindən nasist rejiminin hər bir sağ qalan qurbanına ildə 10.000 zloti (təxminən 2.333 avro) ödəməyi tələb edir.
Ödənişlərin Polşa-Almaniya Barışıq Fondu vasitəsilə edilməsi təklif olunur. Bunlar birdəfəlik ödənişlər deyil, davamlı illik dəstək olduğundan, ümumi kompensasiya məbləğinin sabit limiti olmayacaq və qurbanların sayının təbii azalması səbəbindən xərc hər il azalacaq.
Hesablamalara görə, bu layihənin həyata keçirilməsinin ümumi dəyəri təxminən 300 milyon avro ola bilər. Berlin bu şərtlərlə razılaşarsa, qeydiyyatdan keçmiş bütün qurbanların ehtiyaclarını ödəmək üçün ilk 100 milyon avro 2027-ci ilin əvvəlində Almaniya büdcəsindən ayrılmalıdır.
Polşa Baş naziri Donald Tusk Almaniyadan planı 2026-cı ilin sonuna qədər açıq şəkildə təsdiqləməsini tələb edir və əks halda Varşavanın ödənişləri öz büdcəsindən maliyyələşdirməyə başlayacağı barədə xəbərdarlıq edir.
Konkret illik ödəniş məbləği tələbləri Polşadakı gərgin daxili siyasi vəziyyətlə diktə olunur. Donald Tusk hökuməti müxalifətdəki Hüquq və Ədalət (PiS) partiyasının ittihamlarından yayınmağa çalışır. Partiya hakimiyyətdə olduğu dövrdə Almaniyaya astronomik 1,3 trilyon avro məbləğində klassik təzminat üçün rəsmi qanun layihəsi təqdim etmişdi.
Məhz sələflərinin trilyon dollarlıq tələbləri ilə Berlinin imkanları arasındakı böyük fərq üzündən Varşava cəmiyyət tərəfindən alçaldıcı bir yardım kimi qəbul edilməyəcək maliyyə "humanitar jesti" axtarır.
Bu səbəbdən, 2024-cü ildə Donald Tusk o vaxtkı Almaniya kansleri Olaf Şoltsun 200 milyon avro dəyərində birdəfəlik təzminat təklifini yetərli hesab etmədən rədd etmişdi.
Qeyd etmək lazımdır ki, Almaniya hökumətinin ödəniş məsələlərini həll etmək cəhdləri tarixi keçmiş və ortaq təhlükəsizlik üzrə aktiv dialoq fonunda baş verir. Xüsusilə, bu yaxınlarda Qdanska səfəri zamanı Almaniya kansleri Fridrix Merts müharibədən sonrakı Almaniya-Polşa barışığı ilə Ukraynanın Avropadakı gələcəyi arasında paralellik çəkdi.
O, 1939-1945-ci illər arasında Polşada almanların törətdiyi dəhşətli cinayətlərdən sonra iki ölkənin sülhə, mehriban qonşuluğa və dostluğa nail olmasına görə Polşa xalqına açıq şəkildə minnətdarlığını bildirdi ki, bu da Ukraynanın Rusiya ilə qarşıdurmada dəstəklənməsi üçün nümunədir.
Əziz Mustafa
.jpg)
