Elçi göndərdiyi qızın atası 35 yaşlı kişini döyüb öldürdü
Gürcüstanda 21 yaşlı azərbaycanlı faciəvi şəkildə ölüb
Moskvadakı Ticarət Mərkəzinə dron hücumunda azərbaycanlılar yaralanıb
Maştağada 62 yaşlı kişini cərəyan vurub öldürdü
Azərbaycanlı qadın qayınatasını döyərək öldürüb?
Bakıda gənc motosikletçi yol qəzasında ölüb
Xaçmazda 70 yaşlı kişi eşşək dişlədikdən sonra ölüb
Qaydanı pozan “Gelandevagen”in sürücüsü saxlanıldı
Omega-3 ən faydasız qida əlavəsi kimi tanındı
20 İyun 12:45
Özbəkistan Yazıçılar İttifaqı, "Kitob dunyasi" qəzeti və Daşkənddəki Heydər Əliyev adına Azərbaycan Mədəniyyət Mərkəzi Milli Məclisin deputatı Qənirə Paşayevanın özbək dilində çap olunan "Aç qapını" kitabının təqdimatını keçirib.
AZƏRTAC xəbər verir ki, tədbirdə Özbəkistanın elm, mədəniyyət və incəsənət xadimləri, tanınmış şair və yazıçılar, paytaxtdakı diasporumuzun üzvləri, jurnalistlər iştirak ediblər.
Tədbiri Özbəkistan Yazıçılar İttifaqı sədrinin müavini Fayrat Majid açaraq Qənirə Paşayevanın yaradıcılığı haqqında danışıb.
Alim və tərcüməçi Babaxan Şərif Qənirə Paşayevanın şeirlərində vətən, ana mövzusunun əsas yer tutduğunu söyləyib.
Heydər Əliyev adına Azərbaycan Mədəniyyət Mərkəzinin direktoru Samir Abbasov Qənirə Paşayevanın deputat kimi fəaliyyətindən, AŞPA-da Azərbaycan nümayəndə heyətinin üzvü kimi gördüyü işlərdən danışıb. O deyib ki, Q.Paşayeva deputat seçilməmişdən əvvəl jurnalist kimi fəaliyyət göstərib.
Özbəkistanın Xalq şairi Camal Kamal böyük Azərbaycan şairləri Nizami Gəncəvi, Məhəmməd Füzuli, İmadəddin Nəsimini çox sevdiyini, Nizaminin "Xəmsə"sini artıq özbək dilinə tərcümə etdiyini diqqətə çatdırıb. O qeyd edib ki, poemaların dördü artıq nəşr edilib, biri də çap ərəfəsindədir.
Dosent Adxambek Alimbekov, şairlər Qoşqor Norkobil, Tura Mirzə, Xasiyyət Rüstəm, tərcüməçi Şermurat Subxan və başqaları Qənirə Paşayevanın şeirlərinin qısa zamanda Özbəkistanda sevildiyini, hətta şeirlərinə mahnılar bəstələndiyini diqqətə çatdırıblar.
Qənirə Paşayeva kitabı özbək oxucularına çatdırdığına görə Xasiyyət Rüstəmə minnətdarlığını bildirib. O deyib ki, Özbəkistanda ta qədimdən Azərbaycanın şair və yazıçıları sevilib, indi də sevilir. Azərbaycanda da özbək şair və yazıçıları çox sevilir. Q. Paşayeva "Xəmsə"ni özbək dilinə tərcümə etdiyinə görə Camal Kamala təşəkkür edib.
Sonra Q.Paşayevanın şeirlərinə yazılmış mahnılar səsləndirilib.
Mediainfo.az
