Həyət evində yaşayanların nəzərinə! - 1000 manatadək cərimə...
Bakıda xəstəxanada bir yaşlı körpə ölüb
Bakıda sürücü yeniyetməni vurub öldürüb
Bakıda 100.000 manat dəyərində qızıl əşyalar oğurlanıb
Məşhur uşaq qidasında siçan zəhəri aşkarlandı
Tbilisidə azərbaycanlı qızın meyiti tapıldı
196 ölkədə axtarışda olan "Qızıl adam" - İnqilab Babayev saxlanıldı
Dələduzluqda ittiham olunan məktəb direktoru Türkiyədən Azərbaycana ekstradisiya edilib
Mayın 24-də akademik Zərifə Əliyeva adına Milli Oftalmologiya Mərkəzinin 10 illiyinə həsr edilmiş "Oftalmologiyanın bu günü və gələcəyi" mövzusunda beynəlxalq elmi-praktik konfrans keçirilib. Tədbir Səhiyyə Nazirliyi, Azərbaycan Oftalmoloqlar Cəmiyyəti və akademik Zərifə Əliyeva adına Milli Oftalmologiya Mərkəzinin təşəbbüsü ilə təşkil edilib.
Tədbirdə çıxış edən mərkəzin direktoru, professor Elmar Qasımov bu günün bütün oftalmoloqlar üçün əlamətdar olduğunu deyib. E.Qasımov 10 il ərzində mərkəzin əldə etdiyi uğurlardan danışıb: "Mərkəz fəaliyyətə başladığı 10 il ərzində stasionar pasiyentlərin sayı 90 224 nəfər olub. Bu müddətdə 82 min 468 cərrahiyyə əməliyyatı aparılıb, mərkəzdə 1 milyon 710 nəfər ambulator müayinə edilib.
Milli Oftalmologiya Mərkəzinin Səyyar Klinikasında 22 min 692 nəfərə baxış keçirilib, onlardan 2 minə yaxını üzərində cərrahiyyə əməliyyatı aparılıb. 10 illiyini qeyd edən akademik Zərifə Əliyeva adına Milli Oftalmologiya Mərkəzi beynəlxalq standartlara cavab verən müasir diaqnostik avadanlıqlarla təchiz olunub. Mərkəzdə oftalmologiyanın bütün sahələrini əhatə edən şöbələr və yüksəkixtisaslı mütəxəssislər fəaliyyət göstərir. Yaxın vaxtlarda akademik Zərifə Əliyeva adına Milli Oftalmologiya Mərkəzinin Şəki filialı da fəaliyyətə başlayacaq".
Azərbaycanda yüksəkixtisaslı gənc oftalmoloqların hazırlandığını və oftalmologiya elminin sürətlə inkişaf etdiyini deyən mərkəzin direktoru bu sahənin inkişafında akademik Zərifə Əliyevanın rolunu xüsusi qeyd edib.
Sonra mərkəzin fəaliyyətini əks etdirən videoçarx nümayiş etdirilib, müxtəlif mövzularda məruzələr dinlənilib.
Tədbirdə yerli mütəxəssislərlə yanaşı, xarici oftalmoloqlar da iştirak ediblər.
Konfransın məqsədi oftalmologiya sahəsində əldə olunan son yenilikləri və nailiyyətləri, yeni müayinə və müalicə metodlarını müzakirə etmək və öz sahələrində mütəxəssis olan oftalmoloqların təcrübələrindən yararlanmaqdan ibarət idi. Azərtac
.jpg "Məhkəmədə diz çöküb yalvardı... - Hakim qanuni qərarla sevindirdi")
