Bakıda 100.000 manat dəyərində qızıl əşyalar oğurlanıb
Məşhur uşaq qidasında siçan zəhəri aşkarlandı
Tbilisidə azərbaycanlı qızın meyiti tapıldı
196 ölkədə axtarışda olan "Qızıl adam" - İnqilab Babayev saxlanıldı
Dələduzluqda ittiham olunan məktəb direktoru Türkiyədən Azərbaycana ekstradisiya edilib
Kosmetoloq Ülviyyə İlyasovaya amnistiya aktı şamil edilib
60 yaşlı kişi pilləkəndən yıxılıb öldü
Bakıda polis SMM fırıldaqçısını saxlayıb
Norveç polisi "rus cəsusu" adlandırılan beluqa balinası Hvaldimirin cəsədində tapılan "güllə dəlikləri" ilə bağlı təəccüblü izahat verib. Bu barədə Norveç polisinin rəsmi saytında dərc olunmuş press-relizdə məlumat verilib.
Məşhur balinanın cəsədi avqustun 31-də Norveç sahillərində tapılıb. Heyvanları müdafiə edən “OneWhale” və “NOAH” təşkilatları onun bədənində güllə yaralarının göründüyünü iddia edib. Norveç polisi bildirib ki, əslində balinanı öldürən bakterial infeksiya olub.
Polisin yarılma hesabatının müəllifləri cəsədin dərc olunmuş fotoşəkillərində yaraların olduğunu etiraf edirlər, lakin onların odlu silahdan törədildiyinə inanmırlar. Heyvan hüquqları müdafiəçilərinin diqqət çəkdiyi çuxurların çoxu quşlar tərəfindən deşik edilib.
“Bu yaraların kənarları kəsikli və cırıqdır. Bu, yaraların dəridə deşiklərin açılması quşlar tərəfindən törədildiyi ilə əlaqədar ola bilər. Balinanın alt tərəfində dəridə daha iki dəlik var. Bir yara dəridən və yağ toxumasının bütün təbəqəsindən keçir, lakin daxili orqanlara təsir göstərmir. Digər yaranın dərinliyi bir santimetrdən azdır. Baytarlıq İnstitutunun və polisin məhkəmə-tibb ekspertlərinin rəyinə görə, onlara odlu silah səbəb olmayıb. Döş qəfəsinin və başın rentgenoqrafiyası güllə və ya digər metal parçaları aşkar etməyib”, - Norveç polisinin press-relizində deyilir.
Balina 2019-cu ildə bədəninə "Sankt-Peterburq Avadanlıqları" etiketli kamera və silah üçün möhkəm bükülmüş dəsti ilə Norveçə üzüb gəldiyi zaman Rusiya kəşfiyyatı və ya ordusu ilə əlaqədə olmaqda şübhəli bilinirdi. Daha sonra ona Hvaldimir ləqəbi verildi: Rusiya prezidenti Vladimir Putinin adından və "balina" kimi tərcümə olunan norveçcə “hval” sözündən ibarət ləqəb.
Almaz Həsənli
.jpg "Məhkəmədə diz çöküb yalvardı... - Hakim qanuni qərarla sevindirdi")
